Posté le 24/03/2017 16:27:12
مشكور على التذكير
صحيح البوست تابعني أما بتاريخ 5-11-2014
وقتها سوم الكتتروستار ب:4.600
Analyse technique tout court suivi par la suite d'une information
لو كان ترجع تثبث في التاريخ من بعد مدة قصيرة السهم وصل ل9.200 تقريب في فيفري 2015
و تقريب من وقتها بدا الحديث على الترفيع في رأس المال
Augmentation de Capital
و هاو توة باش سهل ربي
(الشيء هذا كلف الشركة خسائر إظافية على معاليم الإقتراض)
charges financières
و توة نفسروا شوية للوخايان الجدد شنية الوضعية
إلي يحب يشري يتفضل
بالعكس السهم أقل من سعر الاسمي 5
prix nominal = 5dt
و زيد الترفيع مقترح بقيمة 5
Prix de souscription = 5dt
و يلزم نفهمو شنوة معناها ترفيع في رأس المال
اليوم إلكتروستار في حاجة للسيولة
ما عندها حتى حل كان المساهمين متاعها على خاطر البنوك سكروا عليها السبالة
هذاكا علاش باش يقع الترفيع في رأس المال بالإكتتاب
Augmentation de capital par souscription en numéraire
و المستثمرين القدم عندهم حق الإختيار في المشاركة او الرفض ببيع حق الإكتتاب
souscription à la dite augmentation ou bien cession des droits de souscriptions
باهي الوضعية اليوم تتمثل في انو سعر السهم أقل من 5د
حاجة ممتازة... علاش؟
على خاطر الوسيط المكلف بالعملية باش يحاول يرجع السهم في حدود سعر ال5د او أكثر
هكاكا المستثمرين ما يلقاو كان الخيار متاع الإكتتاب في الرأس المال الجديد... و أنا ضد التصرف هذا
لكن موش الفايدة في تطليع سعر السهم قبل مدة الإكتتاب
الفائدة في الإصلاحات الي باش تصير بمبلغ الاكتتاب و احترام الآجال
و هكاكا نحكيو على المدى الطويل و المتوسط
يعني الي يخدم على المدى القصير يسايس روحو و نشالله مربوحة
و الي شرى ب24د ربي معاه و ما عندو حتى حل كان الشراء توة ما دام السعر طايح و الصبر و برا
شفتو كيفاش يحصلو فينا الشركات أحيانا
عاد الواحد يستصمر في شركة منظمة و رابحة و بالعكس حتى الترفيع في رأس المال تقترحو من أربحاها الإحتياطية
augmentation de capital par incorporation des réserves
و التاريخ ما يرحمش راهو قداش من شركة عملت العملية هاذي و لتوة هانا نستانو في النتيجة
... - STB - AMS - SOMOCER
يلزم المستصمرين فايقين على حقوقهم و يلزم الشركات تحترم المستثمرين خاصة كي تطلب فلوس للترفيع في رأس مال الشركة
و الكلنا هانا باش نفيقو بعضنا
و الي يعرف يفسر للي ما يعرفش...
@ Golden Boy
إحتراماتي خويا الكريم