 Voir tous les sujets
|
أقسم بالله كرّهتونا في البورصة وفي التحاليل متاعها… في جرّة زوز عباد، يمكن أكثر شوية، أما ما شاء الله عليهم عندهم 15 اسم و20 compte 😂
السهم يطلع: "قلنالكم"، "شفناها من قبل"، "التحليل كان واضح"…
السهم يهبط: سبّان، تخوين، تجريح، وكلام ما عندو حتى علاقة لا بالسهم لا بالبورصة.
والأجمل؟ تختلفوا على analyse ولا على cours متاع سهم… تلقى الأم تجبدت، العائلة تسبّت، والعباد الكل دخلت في الموضوع 😂
بالله شنوة دخل أمّ الواحد وعائلتو في PER ولا EBITDA ولا support وrésistance؟
ارحموا رواحكم وارحمونا معاكم.
البورصة موش عركة حومة، والتحليل موش قرآن منزل. تنجم تصيب وتنجم تغلط، وهذا عادي جداً.
أما كي تولّي كل كلمة ما تعجبكش تجاوب عليها بالسبّ والتجبد والتلميح، راهو موش كان السهم اللي يطيح… حتى القدر يطيح معاه.
ناقشوا الأرقام، النتائج، التقييم، والـbusiness.
أما الأمهات والعائلات والعباد؟ خلّيوهم على جنب.
راهي بورصة يا جماعة… موش "باب الحارة – saison 14" 😂
